المجدوب ارجع غيواني للشاعر محمد بلشقر
🎼 المجدوب ارجع غيواني
🎼
🎼🎼🎼🎼🎼🎼🎼🎼🎼
ربي يالعالي
شوف من حالي
شكيت ليك ضري
بعد ما الظلم قهرني
وانفذ صبري
واخسر خاطري
واكثر همي
انت عالم بسري
ياربي اشف ضري
راني عييت مانجري
سلمت ليك أمري
ماتبقى من عمري
🎼🎼🎼
ربي مولاي
ضاق حالي
وكثرت اهوالي
من حر القهرة
الدمعة في العين تحرق
من كثرة الغدر
القلب تكدر
راه العقل تخبل
ما قادر يتحمل
🎼🎼🎼
ليك ياربي نشكي حالي
راه كثرت أحزاني
وتبخرت أحلامي
وسكنت المحنة في قلبي
ربي يالعالي
فرج همي
كفاني كفاني
دانداني دانداني
خليني نغني الحاني
ونرجع ليام زماني
باركة من احزني
بغيت نعيش هاني
🎼🎼🎼
دانداني دانداني
المجدوب ارجع غيواني
خليوني ننشد الحاني
راه كل من عليها فاني
سكنتني الجدبة
وشعلت نيراني
دانداني دانداني
مات لحبيب وخلاني
انا ما هاني
خاطري مشوش
النوم ماجاني
راني كنعاني
دانداني دانداني
هذ الزمان ماشي زماني
خليوني نجدب
راني وليت غيواني.
مجدوب الحرف : محمد بلشقر.
تعليقات
إرسال تعليق