الكلمة مش للبيع بالعامية للمبدع أشرف سعيد
💣 لما الكلمة تتباع... يبقى الشاعر مــات! 💣
💥🔥 #_الـشـعـرا_بــاعــوا_الـكـلـمــة 🔥💥
والكلمة مش للبيع
✍️ كلمات الشاعر: اشرف سعيد
أنا كنت فاكر إن الشاعر
صوت الناس الغلبانين
اللي يكتب وجع المقهور
لو نام جعان سنين وسنين
مش اللي يطبل للسلطة
ويبيع ضميره بكم قرشين
وينسى إن الشعر رسالة
مش رزق ولا تسلية يومين
كنا بنقوله شاعر الثورة
فاكرينه واقف وسط الناس
راح كتب للعاصمة أغاني
وساب الغلبان اللي اتداس
فينك يا هشام يا جخ؟
فين صوتك يا ابن النيل؟
سكت ليه؟ ولا الكلمة ماتت؟
ولا خلاص بقى الكل بيميل؟
وفارس قطرية؟ يا خسارة
كل كلامك غزل وحكايات
والناس جعانة في الشوارع
وانت بتكتب عن العشقات!
وأميرة البيلي يا شاعرة
بتكتبي عن مين ساب مين؟
والشعب تايه ومخنوق
وناس بتموت كل يومين!
فين الكلمة اللي كانت نار؟
فين السطر اللي يهزّ دار؟
فين الوجيعة اللي فالقلب؟
فين الحق في الأشعار؟
زمان كان فيه “الخال”
عبد الرحمن الأبنودي
وكان “العم نجم الفاجومي”
سفير الغلابة في بلده دي
اتحبسوا سنين طويلة
علشان ما باعوش القضية
كتبوا بالوجع والدم
والشعب كان هو الهوية
دلوقتي الشعر بقى شو
وصور وفيديوهات ولايكات
ونسوا إن القصيدة نار
تقول الحق مش حكايات
يا شاعر لو قلبك نام
سيب القلم للي قلبه حي
الكلمة عهد مش لعبة
ولا تتباع عشان مجاملات
ارجعوا للكلمة الصح
اللي توجع وتقول حق
اللي تصحي كل نايم
وتخلي الغلبان يقف ويشدّ
أنا مش هطبل لحد
ولا أبيع صوتي ولا اسمي
أنا شاعر لو سكت يوم
يبقى مات جوايا رسمي
الكلمة عندي مش سلعة
ولا قصيدة للإيجار
دي عهد مكتوب بالدم
يا نعيش بيه… يا نار 🔥
💔🔥 الكلمة عهد.. والقصيدة شرف 🔥💔
━━━━━━━━━━━━━━━━━━━
مع تحيــات ✍️
الشــاعــر: أشــرف ســعــيــد
━━━━━━━━━━━━━━━━━━━
💬 لو عجبك الكلام .. لايك 👍 وتعليق جميل ❤️
وفولو للصفحة 👇
علشان نوصل صوت الناس الحقيقي 💪
#الشاعر_اشرف_سعيد ✍️ #الناس_هي_القصيده 💔
#الكلمه_مش_للبيع 🔥 #صوت_الغلابه_راجع 🎤 #الحق_بيتقال 💥
تعليقات
إرسال تعليق